Bréf frá áhorfanda

To the current Macbeth production,
Just a word of thanks from Fjölbrautaskóli Snæfellinga for a wonderfully inventive interpretation and performance of Macbeth.  Our students agreed unanimously that they enjoyed themselves tremendously. You’ve managed to show them exactly what makes Shakespeare great: captivating characters whose basic humanity - and thereby human flaws - transcend time and place in plays that are endlessly open to interpretation, invention and discussion. 
 
You’d like to know that several of them claimed that your production was much better than Roman Polanski’s film version of Macbeth! Viva the blood!
 
Best regards,
 
Johanna E. Van Schalkwyk
Fjölbrautaskóli Snæfellinga

Frums!

Forsýningarnar búnar, viðbrögð framar öllum vonum.  Frumsýning í kvöld!

Tilhlökkunin er mikil.  Þetta verður stuð...


Baggalútur með kenningu

Baggalútsmenn þykjast hafa fundið ástæðuna fyrir öllu ruglinu: 

 macbeth2

Ástæður hinna gríðarlegu vandræða á íslenskum fjármálamarkaði (og raunar í heiminum öllum) eru loks fundnar.

Hafa þær verið raktar til óábyrgrar uppfærslu Þjóðleikhússins á „skoska leikritinu“ svokallaða, en því fylgir sem kunnugt er mikil ógæfa og því sérlega ósvífið að setja það upp.

Verða hlutaðeigandi tafarlaust dregnir til ábyrgðar fyrir glæpi gegn mannkyninu.

Enter.

Baggalutur.is 3o.sept. 2008


MACBETH 5. OKT.

mak-eddi2 

Macbeth verður frumsýndur á sunnudaginn n.k. og má með sanni segja að aðstandendur séu að verða mjög spenntir.  Æfingatímabilið hefur verið snöggt og krefjandi og hafa allir leikarar og leistamenn hússins lagt hönd á plóg. 

Fyrsta forsýning er á morgun þriðjudag og verður forvitnilegt að sjá hvernig Skoski kóngurinn fer í fólkið.  Uppselt er á allar forsýningarnar og miðasala á almennar sýningar fer vel af stað.  Aðeins er um takmarkaðan sýningafjölda að ræða (bara sýnt í október)  Þannig að fólk þarf að hafa hraðan á ef það ætlar ekki að missa af blóðugustu sýningu ársins.


blóð vill blóð...

Stefán Hallur og Vignir Rafn sitja nú sveittir ásamt góðum hópi leikara Þjóðleikhússins yfir meistarastykki Shakespears, Macbeth.

Síðustu vikur vetrarins hafa farið í greiningavinnu og hjartaaðgerðir á handriti.  Áætlað er að setja verkið upp næsta haust á Smíðaverkstæðinu í svokölluðu tilraunaeldhúsi Þjóðleikhússins.

Ferðin er hafin en endastöðin er hvergi sjáanleg.  Það eina sem að er öruggt, Það verður blóð.  Og mikið af því.


Sá Ljóti frumsýndur og sýndur aftur og aftur...

Sá Ljóti var frumsýndur um daginn og viðtökurnar hafa verið ansi góðar.  Gagnrýnendur ánægðir, 4 stjörnur í fréttablaðinu og Jón Viðar sagði að Hallur og Viggi væru eins og fiskar í vatni. Hér eru nokkur brot:

 "Ég get ekki annað en mælt með því að sem flestir drífi sig á Smíðaverkstæðið og sjái Þann Ljóta.  Verkið er bæði spennandi og skemmtilegt. Og það nærir hugann lengi á eftir." Unnur María Bergsveinsdóttir á kistan.is           

"Ástæðurnar til að fara að sjá Þann Ljóta eru list leikhússins sem þarna nær hæstu hæðum. Á sviðinu (Stígur Steinþórsson) er eiginlega ekki neitt: hvítir veggir,  fjórir hvítir kassar - og leikararnir.  Þetta er þeirra sýning, og þeir fara af frábærri leikni með textann sem er þéttur, snarpur og fyndinn, feiknavel þýddur af Bjarna Jónssyni. ...Sá Ljóti er sjaldgæf leikhúsupplifun sem ekki má missa af." Silja Aðalsteinsdóttir á tmm.is

"Þetta er ekki auðvelt verk í uppsetningu en Kristínu Eysteinsdóttur tekst listavel að skila því til áhorfenda ...Þetta  er vel unnin sýning, skemmtileg og óvenju skýrt hugsuð." María Kristjánsdóttir Morgunblaðið 8. apríl

"Um er að ræða leikrit sem allir sem sjaldan eða aldrei fara í leikhús hefðu gott af því að sjá. Hér er ekki um neina predikun að ræða, síður en svo, heldur mjög þétta og vel unna textavinnu þar sem samskiptin ganga listilega vel fyrir sig og þó svo að leikmyndin sé aðeins snjóhvít og ekkert verið að gera þegar menn segist vera að gera eitthvað, þá er víst öruggt að myndir sem flugu upp í huga hvers og eins í salnum voru vafalítið fleiri og litskrúðugri en oft vill verða þegar verk eru yfirhlaðin af táknum og leikmunum. Elísabet Brekkan Fréttablaðið 7. apríl

"Þetta var nú aldeilis skemmtileg uppfærsla - og falslaus. ...Óhætt er að mæla með þessari uppsetningu við unga sem aldna (og fallega sem ljóta) því allir geta dregið heilmikinn lærdóm af boðskap hennar - burtséð frá útliti sínu.  Ljóta fólkið hér í veganesti örlitla huggun harmi gegn á meðan við fallega fólkið erum áminnt um að fegurðin skapar ekki hamingjuna. Þó hún komi manni langleiðina. ... 4 stjörnur" Spesi á baggalutur.is

"Sá Ljóti er verk andstæðna, það er bæði fyndið og sorglegt, flókið og einfalt, yfirmáta fínlegt og afskaplega groddalegt, dapurlega fallegt og óskaplega ljótt.  Hér er fáránleiknum á bakvið flatneskju útlitsdýrkunar skellt fram umbúðalaust.  Hér verður ekki hjá því komist að horfast í augu við sjálfan sig og fordóma sína og ekki síst ísmeygilega framsetningu þeirra.  Hér er nefnilega allt á borðinu" Þorgerður E. Sigurðardóttir Rás 1, Víðsjá 15. apríl

                                             

 Frums

Við erum líka hæstánægð með útkomuna, Sá Ljóti er rós í hnappagatið hjá okkur morðingjunum.  Það hafa verið sýndar 6 sýningar og uppselt á þær allar.  Næstu sýningar verða 24.apríl, 25. apríl og 2. maí. Hvort sem þið eruð ljót eða falleg, þá hlökkum við til að sjá ykkur!!


(H)art í bak-á 10 tímum

(H)art í bak-á 10 tímum.

Sýnt í æfingarými Vér Morðingja, gömlu Billiardstofunni, Vitastíg milli kl. 11-21.

 

Leikhópurinn Vér Morðingjar kynna einstakan leikhúsviðburð, þar sem þeir ætla að setja upp íslenska klassík, Hart í bak e. Jökul Jakobsson, á einungis 10 klukkutímum. Leikararnir munu frumlesa verkið, æfa það, smíða leikmynd og velja búninga á þessum 10 tímum.Verkið verður lesið og æft stanslaust þar til tímamörkunum er náð. Um er að ræða tilraun til uppsetningar þar sem reynt er á þanþol leikhússins og möguleika þess, þar sem ferlið er sjálf sýningin. Áhorfendum er frjálst að koma og fara eins og þeim sýninst, og er aðgangseyrir enginn.

Sýningin fer fram sunnudaginn 9. mars, milli kl. 11-21, í gömlu Billiardstofunni á Vitastíg, en þess má geta að þetta er fyrsta sýningin í nýju æfingarými Vér Morðingja.

 

Leikendur eru Vignir Rafn Valþórsson, Hannes Óli Ágústsson, Dóra Jóhannsdóttir, Karl Ágúst Þorbergsson, Anna Svava Knútsdóttir, Símon Birgisson, Bjartur Guðmundsson, Lilja Nótt Þórarinsdóttir, Hilmir Jensson og Lára Jóhanna Jónsdóttir. Þess má geta að dregið verður í hlutverk á sýningardag.

Umsjón með uppsetningu eru Vignir Rafn Valþórsson og Hannes Óli Ágústsson.

Nánari upplýsingar í síma 6990913 (Vignir) eða 6941983 (Hannes).

 


Sá Ljóti

VM3

Síðastliðnar vikur hafa Dóra, Vignir, Hallur og Jörundur staðið í ströngu við æfingar á Smíðaverkstæði Þjóðleikhússins á leikritinu Sá Ljóti eftir Marius Von Mayenburg.  Leikstjóri er Kristín Eysteins sem að síðast vann með okkur að Penetreitor.  Frumsýning verður 5. apríl næstkomandi...

Fylgist með, Þetta verður geðveikt!


E1NTAK

Leikkfélag MH sýnir um þessar mundir leikritið E1NTAK.  Verkið er "Samsett" af leikhópnum og leikstjórunum, sem eru Stefán Hallur og Vignir Rafn.

Allar nánari upplýsingar um sýninguna eru að finna á nfmh.is


Nýir meðlimir.

ela 

Vér Morðingjum hefur borist liðsstyrkur.  Þeir félagar Friðgeir og Karl Ágúst eru nú fullgildir meðlimir og fögnum við því mjög. 

Kalli og Friðgeir munu útskrifast úr Fræði og Framkvæmd hjá LHI núna í vor en vinnan með þeim er þegar hafin. 

Það er enginn vafi á að liðsinni þeirra mun vera öllum til góðs.


Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband